Sögur úr norrænni goðafræði

Hetjusögur af fræknum köppum og goðum hafa fylgt íslensku þjóðinni í meira en þúsund ár og hvatt okkur til dáða.

Í þessari eigulegu bók má lesa bráðskemmtilegar endursagnir á nokkrum af helstu goðsögum norænna manna eins og við þekkjum þær úr eddukvæðum og Snorra-Eddu.

Hér kynnumst við þrumuguðinum Þór, bragðarefnum Loka, jötnum, dvergum, skrímslum og hrímþursum auk sögunnar af bardaga Sigurðar við drekann Fáfni svo að fátt eitt sé nefnt.

Bókin er skreytt litríkum myndum sem kveikja í ímyndunaraflinu en textinn er í senn vandaður og auðlesinn í þýðingu verðlaunaskáldsins Bjarka Karlssonar.

Þessi bók er gefin út í samstarfi við Peter Streich sem er mikill áhugamaður um íslensku og norræna goðafræði.